O.20-NUUS..... In die o.20-liga (Superliga A) is die Ikeys en die Vics tans kop-aan-kop met nog 2 wedstryde om te speel. In die o.20 Superliga B-afdeling was Collegians vanjaar die top-span. In die ander o.20-ligas is daar nog verskeie spanne wat hard aan die deur klop om vanjaar die trofeë te verower.

DINK GERUS HIERAAN…. Aan al die klubs wat nie vanjaar bekers verower het nie… die enigste raad vir ‘n klub wat strewe om bo uit te kom is om harder te werk. Dit is die harde pad, maar die enigste pad. Sterkte ook aan al hierdie klubs en mag julle volgende seisoen sukses behaal.

WP AMATEURSPAN MOET PASOP VIR OOSTELIKE PROVINSIE…. Die WP Amateurspan storm voort in sy liga en het laas naweek vir Grens A met 69-0 afgestof. Hierdie naweek speel die WP-span teen Grens Platteland en as die WP-span volgens hul vermoëns speel behoort hulle ver te wen.
Oostelike Provinsie vaar goed in hierdie liga en hul stryd teen die WP gaan ‘n taai ene wees.

KAN DIE WP DISA SPAN WEER BO EINDIG?... Die WP Disa span is pas gekies vir die SARU toernooi wat van 13 tot 18 September in Margate plaasvind.
Die WP Disa-span het hierdie toernooi die afgelope 3 jaar gewen. Die span se afrigter is Irvin October. Winston Baard is die hulp-afrigter en die spanbestuurder is Johan Arendse.
Die WP Disa-span speel Maandag om 19:00 in Kuilsrivier ‘n oefenwedstryd teen Belhar.
Die WP Disa-span is:


Die spelers is:

Shannon Mahoney - Milnerton
Anthony Volmink - UWK
Granton Marinus - Sir Lowrians
Adrian Herman - UWK
Mzukisi Matshaya - Blue Jet
Charlton Coete - St. Georges
Armien Bailey - St. Georges
Dean Okkers - Hamlets
Andre Coetzee - Paarl
Heinrich Laven - Sir Lowrians
Masibulele Ntame - Langa
Mzuki Qadushe - Langa
Djrukou Leon Samuel - Sir Lowrians
Tobias Oosthuizen - Paarl
Edward Makhundayi - Sir Lowrians
Charlton van Jaarsveld - UWK
Vorster Stone - Paarl
Bongile Ntshiqa - Langa
Henrico Maurice - Sir Lowrians
Gareth Isaacs - Sir Lowrians
Hein Gordon - Raithby
Clive Samuels - Paarl
JP Kellerman - UWK
Rashaad Williams - Macassar
Mziwethu Kave - Langa

Die span speel Maandag aand om 19h00 op Kuilsrivier teen Belhar as deel van hul voorbereiding.

LOTTO NUUS... Klubs word daaraan herinner dat die Lotto-aansoeke teen 13 September by die Lotto-kantoor moet wees. Pos dus die aansoek vroeg dat dit teen13 September by die Lotto-kantoor is.

Rugbygroete

Herman Abrahams